Simsar.az xəbər verir ki, YUNESKO xarici əlaqələr və ictimai məlumat sektorunun Üzv dövlətlər və tərəfdaşlar idarəsinin rəhbəri Genc Seiti YUNESKO-nun baş direktoru İrina Bokovanın tədbir iştirakçılarına ünvanladığı müraciəti oxuyub.

Müraciətdə bildirilir ki, Azərbaycan YUNESKO-nun fəal səylərini əsirgəməyən üzvünə çevrilib: “Azərbaycan YUNESKO-nun müvafiq sahələrinə böyük töhfələr verib. Bu töhfə xüsusilə də mədəni irsin qorunması sahəsində olub. Bu da birinci xanım Mehriban Əliyevanın təşəbbüsü ilə olub”.

Müraciətdə o da qeyd olunub ki, Azərbaycan canlı ənənələrin yaşadığı ölkələr sırasındadır: “Azərbaycan elə unikal yerlərdən biridir ki, bütün sivilizasiyalar məhz burada cəmləşir. Bu da ölkənin istər YUNESKO, istərsə də digər beynəlxalq təşkilatlarda lider kimi möhkəmlənməsində vacib addımlardan biridir”.

Hüseyn İbadlı