Bu gün AFFA-nın inzibati binasında Məşqçilər Komitəsinin üzvləri “Bakı”, “Neftçi”, “Sumqayıt” və “Rəvan” klublarında çalışan, İcraiyyə Komitəsinin müvafiq qərarına əsasən, AFFA tərəfindən təyin olunmuş idman direktorları Torsten Spittler, Jan Versleijen, Frank Bernhardt və Peter Neustadter ilə görüşüblər.

Qol.Az-ın AFFA-nın rəsmi saytına istinadən verdiyi məlumata görə, görüş zamanı klublarda idman direktorlarının fəaliyyəti, uşaq futbolunun hazırkı durumu, mövcud problemlər və onların həlli yolları barədə ətraflı fikir mübadiləsi aparılıb.