Vladimir Putinin köməkçilərindən Aleksandr Prokanov Mossadın İŞİD-ə təlim keçdiyini iddia edib.

Simsar.az xəbər verir ki, İranın “Press” telekanalına açıqlama verən Prokanov İsrailin kəşfiyyat təşkilatı Mossadla bağlı ittihamlar irəli sürüb. Təşkilatın İŞİD-ə casusluq bacarıqlarını öyrətdiyini deyən Aleksandr Prokanov İsrail ordusunun da terrorçulara dəstək verdiyini bildirib. İŞİD-i ABŞ-ın Yaxın Şərqdə vəziyyəti əlində saxlamaq üçün vasitə adlandıran siyasətçi terrorçuların artıq Rusiyaya qarşı da fəaliyyətə başladığını sözlərinə əlavə edib: “Terrorçular bir neçə gün əvvəl Çeçenistanda Rusiya hökumətinə qarşı təxribatlar törədiblər”.

Xatırladaq ki, İŞİD tərəfindən hazırlanan videoda Bəşər Əsəd və onun müttəviqi qismində Vladimir Putin hədələnib.

Vüsal Məmmədzadə