“Artıq 10 gündü ki, “Ayntraxt”ın düşərgəsində baxışdayam. Məşqlər yüksək səviyyədə keçir”.

Simsar.az saytının məlumatına görə, bu sözləri Azərbaycan millisinin və “Neftçi” klubunun futbolçusu Emil Balayev deyib.

Hazırda Almaniyanın “Ayntraxt” klubunda baxışda olan 20 yaşlı qapıçı Frankfurt təəssüratlarını “ağ-qaralar”ın rəsmi saytına açıqlayıb: “Burada özümü yaxşı tərəfdən göstərməyə çalışıram. Dekabrın 12-dək “Ayntraxt”ın əsas komandası ilə birlikdə hazırlığım davam edəcək. Bundan sonra “Neftçi”nin düşərgəsinə qayıdacağam. Ümid edirəm ki, bəyəniləcəm və karyeramı Bundesliqada davam etdirəcəm”.