30 Noyabr, 2014
Prodüser Tolik dəstək çıxdı : "Sevgili hesabına klip çəkdirənlər..." - VİDEO

Simsar.Az xəbər verir ki, dekabrın ilk günü Türkiyənin TV 8 kanalında baxımlı "O səs Türkiyə" yarışmasının 19-cu buraxılışı nümayiş olunacaq.

Səs yarışmasının anonsu bütünlüklə "Eurovision"da Azərbaycanı təmsil etmiş müğənni Elnur Hüseynovun möhtəşəm çıxışı üzərdə qurulub.

Ölkənin əsas prodüseri Tolik Elnura dəstək olduğunu, şəxsi İnstagram hesabında status yazaraq belə bildirib :"Bax budur Azərbaycanın səsi!!!

75 milyonluq Türkiyədə tapılmayan səs Azərbaycandan çıxdı. Bax belə insanları qoruyub, ucaldıb arxa çıxmaq lazımdır!

Yoxsa bəzi bozbaş müğənnilər, musiqidən bixəbərlər sevgili hesabına klip çəkdirib efirə çıxanlar, sevgililəri lotu olub onun-bunun üstünə adam göndərənlər, bu gün çıxıb özünə nömrə bir deyənlər, siz bu insanın səsi qarşısında heç kimsiniz!!!

Onun adı Elnur Hüseynovdur.

Çalışın ki, onu da vətəndən küsdürüb başqa ölkələrə yem etməyin. İnstagramda bəzi özlərini kişi hesab edib kimlərisə qınayanlara aiddir...

Kişiliyin meyarı güclə ölçülmür!

Elnur təkrarsız səsi ilə Avropanı necə lərzəyə gətirmişdisə "O səs Türkiyə" də də möhürünü vuracaq.

Neçə ildir bu yarışma yayımlanır, heç vaxt bir iştirakçının üzərində anons yığılmamışdı.  Elnurun səsi və səsindəki güc bunuda elətdirdi Acun Ilıcalıya. Halal olsun Elnur".

Şahin Cavadsoy

Simsar Az

Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!