Azərbaycan əsilli məşhur britaniyalı bəstəkar-müğənni Sami Yusuf gələn il Təbrizdə azərbaycanlılar üçün konsert verəcək.
Simsar.az xəbər verir ki, Sami Yusuf bu barədə İran mətbuatına açıqlamasında deyib. O, yanvarın 30-da İrana səfər edəcəyini və fevralın 1-də Tehranda ilk konsertini verəcəyini bildirib.
Sami Yusuf İranda bir neçə ziyarətgaha gedəcəyini də açıqlayıb.
O, İranda ikinci konsertinin olacağını da bildirib:
“Öz istəyim əsasında ikinci konsertim Təbriz şəhərində olacaq və fevralın 4-də Təbrizdə azərbaycan türkləri üçün səhnəyə çıxacağam”.