Noyabrın 26-da qadın voleybolçulardan ibarət Çempionlar Liqasının qrup mərhələsinin ikinci turu çərçivəsində Azərbaycanın “Rabitə” komandası ilk ev oyununda qələbə qazanıb.

Simsar.az xəbər verir ki, “Sərhədçi” İdman Olimpiya Mərkəzində “Rabitə” Rusiyanın “Dinamo” (Kazan) klubu ilə qarşılaşıb.

İlk setdə Azərbaycan təmsilçisi bir neçə top fərqi ilə önə keçsə də, oyun rəqibin 22:25 hesablı qələbəsi ilə başa çatıb. “Dinamo” ikinci seti də öz xeyrinə başa vurub - 23:25. Gərgin keçən üçüncü setin sonunda isə sevinən tərəf “Rabitə” olub - 28:26. Dördüncü setdə fərqli oyun nümayiş etdirən Azərbaycan təmsilçisi Avropanın ən güclüsü adını qazanmış “Dinamo”nu 25:21 hesabı ilə məğlub etməyi bacarıb. Daha güclü oyun nümayiş etdirən “Rabitə” tay-brekdə rəqibini 15:9 hesabı ilə məğlub edərək qarşılaşmanın qalibi olub.