Kürdəmir rayonu, Qarabucaq sovxozunda vətəndaşa məxsus "Hyunda" markalı minik avtomobili yolun kənarına aşıb.

Simsar.az-ın Fövqəladə Hallar Nazirliyinin saytına istinadən verdiyi məlumata görə, nəticədə sürücü Vaqif Əlizadənin cəsədi yanğınsöndürən-xilasedicilər tərəfindən avtomobildən çıxarılaraq aidiyyəti üzrə təhvil verilib.

Qazax rayonu, Çaylı kəndində isə vətəndaşa məxsus "Naz Lifan" markalı minik avtomobili yolun kənarına aşıb. Nəticədə avtomobildə sıxılmış vəziyyətdə qalmış sürücü yanğınsöndürən-xilasedicilər tərəfindən avtomobldən çıxarılaraq aidiyyəti üzrə təhvil verilib.