İkinci “6-lıq” komandalarından “Muğan” “Simurq”u sınağa çəkəcək

Futbol üzrə Unibank Premyer Liqasında XXVIII turun oyunlarının başlama saatı və yeri açıqlanıb.

Simsar.az-ın məlumatına görə, qarşıdakı tura aprelin 23-də “Şəfa” stadionunda start veriləcək. 

Həmin gün saat 14:00-da ikinci “6-lıq” komandalarından “Muğan” “Simurq”u sınağa çəkəcək. Bu matçdan sonra lider “Neftçi” Tofiq Bəhramov adına Respublika stadionunda “Bakı”nı qəbul edəcək. Paytaxt derbisinin ardından isə “Xəzər Lənkəran” öz meydançasında AZAL-la qarşılaşacaq.

Ertəsi gün ikinci “6-lığ”ın qalan iki oyunu – “Qəbələ” – MOİK və “Gəncə” – “Turan” matçları saat 16:00-da başlanacaq. Bundan yarım saat sonra isə Toiq İsmayılov adına Suraxanı qəsəbə stadionu oynanılacaq “Qarabağ” – “İnter” matçı ilə tura yekun vurulacaq.

23 aprel (şənbə)

14:00. “Muğan” (Salyan) – “Simurq” (Zaqatala)
“Şəfa” stadionu.

16:00. “Neftçi” (Bakı) - "Bakı"
Tofiq Bəhramov adına Respublika stadionu.

18:30. “Xəzər Lənkəran” – AZAL (Bakı)
Lənkəran şəhər mərkəzi stadionu.

24 aprel (bazar)

16:00. “Qəbələ” – MOİK (Bakı)
Qəbələ şəhər stadionu.

16:00. “Gəncə” – “Turan” (Tovuz)
Gəncə şəhər stadionu.

16:30. “Qarabağ” (Ağdam) – “İnter” (Bakı)
Tofiq İsmayılov adına Suraxanı qəsəbə stadionu.