İsmayıllı rayon Qalınçaq kəndində çox böyük istehsal gücünə malik olan “Şən fermer” MMC tərəfindən quşçuluq fermasının tikintisinə başlanıb.

Simsar.az xəbər verir ki, fabrikin illik istehsal gücü 1000 tondur. Burada hind toyuqlarının yetişdirilməsi planlaşdırılıb, təsdiq olunmuş layihə əsasında 10 tövlə tikilməsi nəzərdə tutulub. Bu tövlələrin hər birində 20 min başdan artıq quş saxlamaq mümkündür.

Eyni zamanda saatda qranula şəklində 10 ton yem istehsal edən dəyirman və inqubator tikilməsi də nəzərdə tutulub.

Tikinti başa çatdıqdan sonra tək fabrikdə 220 nəfər digər yardımçı sahələrlə birlikdə isə 500 nəfər işlə təmin olunacaq. İşçilərin orta aylıq əmək haqqı 450 manat təşkil edəcək və onlara sutka ərzində pulsuz yemək veriləcəkdir.

Hüseyn İbadlı