Ermənistanın Azərbaycanın işğal olunmuş ərazilərində hərbi təlimlərə başlaması işğalçılıq siyasətinin növbəti mərhələsidir.

Simsar.az-ın məlumatına görə, bu barədə Azərbaycan Müdafiə Nazirliyinin Ermənistanın işğal olunmuş ərazilərimizdə hərbi təlimlər keçirməsinə cavabında deyilir.

Qeyd olunur ki, Ermənistan silahlı qüvvələrinin Azərbaycanın işğal olunmuş ərazilərində hərbi təlimlərə başlaması rəsmi İrəvanın hərbi-siyasi rejiminin ölkəmizə qarşı yürütdüyü işğalçılıq siyasətinin növbəti mərhələsidir.

Azərbaycan Müdafiə Nazirliyi rəsmi olaraq bildirir ki, Ermənistan torpaqlarımızın işğal olunmasına bilavasitə cavabdehlik daşıyır və gələcəkdə regionda baş verə biləcək hər hansı hadisəyə görə məsuliyyət tamamilə və qeyd-şərtsiz İrəvan rəhbərliyinin üzərinə düşür.