2010-cu ildə 60-dan çox mədənçinin öldüyü Kolumbiyadakı bir kömür mədənini su basıb.

ANS PRESS-in məlumatına görə, 12 mədənçi ilə əlaqə kəsilib. Mədənçilərin xilasetmə işləri 3 günədək çəkə bilər.

Cənubi Amerika ölkəsinin şimal-şərqində yerləşən kömür mədənində qəfildən yaranan su basqını nəticələrinin aradan qaldırılması üçün bölgəyə xeyli sayda xilasedici cəlb olunub.

Kolumbiyanın Dağ-qazma və Enerji Nazirliyindən verilən açıqlamada bildirilir ki, mədənçilərin xilas edilməsi üçün mümkün bütün işlər görülür.

Qeyd edək ki, 2010-cü ildə baş verən qəza zamanı 60-dan çox mədənçi həyatını itirmişdi.