Rusiya millisinin baş məşqçisi Fabio Kapello maraqlı fikirləri ilə diqqət çəkib.

Simsar.az-ın məlumatına görə, AS qəzetinə danışan italiyalı mütəxəssis "Yuventus"da çalışdığı dönəmdə Lionel Messini icarəyə götürmək istədiyini bildirib:

"2005-ci ildə "Gamber kuboku"nda "Barselona" ilə qarşılaşdıq. Oyun bir anlıq dayandı və mən "Barsa"nın o zamankı baş məşqçisi Frank Raykarda yaxınlaşaraq ondan "sizin onsuz da üç legioner futbolçunuz var. Niyə Messini bizə icarəyə vermirsiniz?" deyə soruşdum. Raykard isə cavabında "legioner problemini 3-4 ay ərzində həll edəcəyik. Bu səbəbdən də Messini sizə verə bilmərik" dedi. Messinin o zamanlar istedadına bələd oldum. Ancaq onu bizə vermədilər".

Qeyd edək ki, Kapello 2004-2006-cı illərdə "Yuventus" klubunu çalışdırıb.