Çində sentyabr ayı ərzində işdə yol verdiyi nöqsanlara görə 8157 məmur müxtəlif formalarda cəzalandırılıb.

Ölkənin Nəzarət Nazirliyinin bu barədə yaydığı məlumatda bildirilir ki, ötən ay məmurlar tərəfindən 6055 nöqsana yol verilib, onların yarısı iş intizamının pozulması ilə bağlıdır. Bundan başqa, məmurlar tərəfindən xidməti avtomobillərin şəxsi məqsəd üçün istifadəsi, təmtəraqlı toy və dəfn mərasimlərinin təşkili, dövlət vəsaiti hesabına bahalı idman və əyləncə mərkəzlərinin xidmətindən istifadə edilməsi halları qeydə alınıb.

2012-ci ildə müvafiq qanun qüvvəyə minəndən bəri 82 mindən çox məmur cəzalandırlıb.