Azərbaycanda dəniz platformasında baş verən partlayış nəticəsində 10-dan artıq insan suya düşüb.

Fövqəladə Hallar Nazirliyinin mətbuat xidmətindən Simsar.az-a verilən məlumata görə, hazırda xilasedicilər dənizə düşənlərin böyük əksəriyyətini xilas edib. Axtarişlara FHN-nin gəmisi cəlb olunub.

Hadisə şahidlərinin verdiyi məlumata görə, axtarışlara FHN-nin bir helikopteri də cəlb olunub.

Bakı şəhər Təcilli və Təxirəsalınmaz Tibbi Yardım Stansiyasından isə Trend-ə bildirilib ki, hadisə nəticəsində 5 nəfərin xəsarət alması barədə məlumat var. Ancaq bu rəqəm dəyişilə də bilər.

Həkim briqadaları hadisə yerində işləyirlər.

Hadisə şahidlərinin verdiyi məlumata görə, partlayış nəticəsində ölənlər var. Ancaq bu barədə rəsmi məlumat verilmir.

Qeyd edək ki, “Azneft” İstehsalat Birliyinin (İB) strukturuna daxil olan Nərimanov adına Neft və Qazçıxarma İdarəsinin (NQÇİ) 441 saylı meydançasında partlayış olub. Yanğını ARDNŞ-ın şirkəti söndürüb.