Təhsil Nazirliyi ilə Müdafiə Nazirliyinin jurnalistlər üçün cəbhə bölgəsində təşkil etdiyi səfər artıq başlayıb.

Simsar.az-ın səfərdə iştirak edən əməkdaşının sözlərinə görə, səfərdə 30-dan çox KİV nümayəndəsi iştirak edir.

İki gün davam edəcək səfər çərçivəsində jurnalistlər Tovuz, Qazax rayonlarının orta məktəbləri ilə tanış olacaq, bölgədəki hərbi hissələrin birində əsgər və zabitlərlə görüşəcəklər.

Qeyd edək ki, məqsəd ölkədə informasiya təhlükəsizliyinin qorunması və ictimaiyyətin düzgün məlumatlandırılması işində kütləvi informasiya vasitələrinə şərait yaratmaqdan ibarətdir. Media nümayəndələri həmin təhsil müəssisələrinin ali məktəblərə qəbul imtahanında yüksək nəticələr qazanmış məzunları haqqında məlumat toplayacaq, müəllimlərlə görüşəcəklər.

Simsar.az

Aysel Kərimova