Almaniya Bundestaqında Die Linkenin rəhbərlik etdiyi kommunist fraksiyası Federal Hökumətdən Dağlıq Qarabağ münaqişəsinin nizama salması ilə bağlı ətraflı hesabat tələb edir.

Simsar.az-ın məlumatına görə, hökumətə göndərilən sorğuda Almaniyanın bu prosesdə hansı rol oynadığı və nə iş görə biləcəyi barədə məlumat istənilir. Sorğuda BMT Təhlükəsizlik Şurasının 822, 853, 874 və 884 saylı qətnamələrinə uyğun olaraq, Dağlıq Qarabağ bütün beynəlxalq sənədlərdə Azərbaycan Respublikasının ayrılmaz hissəsi kimi tanınması və qəbul olunması, Dağlıq Qarabağın ətrafında yerləşən 7 rayonun da işğalçılar tərəfindən tutulması göstərilir.

Ümumiyyətlə, hökumətə Ermənistan-Azərbaycan münaqişəsinin nizama salınması ilə bağlı 40 sual ünvanlanıb. Suallar arasında bir çox azərbaycanlının qətli, işğal edilmiş ərazilərdə ermənilərin qanunsuz yerləşdirilməsi və digər mühüm məsələlər də var.

Almaniya qanunvericiliyinə görə, hökumət 14 gün ərzində parlament üzvlərinin sorğusuna cavab verməlidir. Lakin fraksiya üzvləri sorğunun ciddiliyini nəzərə alaraq cavab müddətinin uzadılması ilə razılaşıblar.