Tez-tez dəhşətli hadisələrlə gündəmə gələn ABŞ-da daha bir qan donduran cinayət baş verib. İndiana ştatı qorxu filmlərindən heç də geri qalmayan silsilə qətllə sarsılıb.

Simsar.az xəbər verir ki, İndiana ştatının Hammound və Qary şəhərlərində, bir oteldən və müxtəlif evlərdən 7 qadın cəsədi tapılıb. Hammound Polis Rəisi Con Doughty cəsədlərin şübhəli şəxs qismində saxlanılan şəxsin etirafı nəticəsində aşkar edildiyini açıqlayıb. Həmin şəxs əvvəllər də cinsi cinayətlərdən məhkum olan Darren Vanndır.

19 və 35 yaşında qurbanlar

Qary Bələdiyyə Sədri Karen Friman-Vilson isə verdiyi açıqlamasında, məlumatların gəlməyə davam etdiyini, fərqli şəhərlərdə başqa qurbanların da ola biləcəyini bildirib. Polis araşdırmalar zamanı 2 qadının şəxsiyyətini müəyyən etdiyini bildirib. Məlumata görə qurbanlardan biri 19 yaşlı Afrika Hardy və digəri isə 35 yaşlı Anith Conesdir.

Polisin daha çox qurbanın ortaya çıxma ehtimalının olduğunu açıqlayıb.

Vüsal Qarayev