Ənbar vilayətinin paytaxtı Ramadini işğal edən İŞİD qüvvələrinin Bağdad aeroportuna yaxınlaşması barədə məlumat yayılıb.

Simsar.az Türkiyə mətbuatına istinadən xəbər verir ki, artıq şəhərdə hərbi vəziyyət elan olunub. Yayılan məlumatda, artıq 10 min “İŞİD” silahlısının Bağdadın 13 kilometrliyində məskən saldığı və hücuma hazırlaşdığı bildirilib.

İraq Daxili İşlər Nazirliyinin nümayəndəsi Əmid Səid Məyen isə yayılan xəbərləri təkzib edib. Onun sözlərinə görə, paytaxtda vəziyyət sabitdir və heç bir ixtişaş qeydə alınmayıb.

Şəhərdə təhlükəsizlik üçün görülən tədbirlərin artmasına münasibət bildirən Məyen bunun “İŞİD”lə əlaqədar olmadığını da  qeyd edib.

Vüsal Məmmədzadə