Hazırda təşkilatlanma işləri gedir

Bu barədə Trend-ə bəyanatla Müsavatdan istefa verən şəxslərdən biri Kəramət Salayev məlumat verib. Onun sözlərinə görə, may və ya iyun aylarında yeni siyasi təşkilatın təsis konfransı keçiriləcək. “Hazırda təşkilatlanma işləri gedir. Yeni təşkilata Müsavat Partiyasından istefa verən şəxslərlə yanaşı, Sumqayıt şəhərindən və ölkənin digər regionlarından olan fəal gənclər qoşulacaq”, - Salayev əlavə edib.

O, təşkilatın adı ilə bağlı müzakirələrin aparıldığını deyib. Ona görə də təşkilatın adının açıqlanmasını məsləhət bilməyib.

Xatırladaq ki, yanvarda Müsavat Partiyasının Sumqayıt şəhər təşkilatından 20-yə yaxın fəal üzv bəyanat yayaraq istefa veriblər. İstefa verənlər səbəb kimi Müsavatın AXCP ilə birləşmə siyasətindən imtina etməsini göstəriblər.