Prezident Aleksandr Lukaşenkanın İqamətgahının yaxınlığındakı partlayışda ölən və yaralananlar var

Belarus paytaxtı Minskdə metroda partlayış olub, ölənlər və yaralananlar var. 

Hadisə aprelin 11-də, Bakı vaxtıyla axşam saat 8 radələrində, şəhərin mərkəzinə yaxın Oktyabrskaya stansiyasnda baş verib. Metro stansiyası Prezident Aleksandr Lukaşenkanın İqamətgahının yaxınlığında yerləşir. 

Belta rəsmi xəbər agentliyi bildirib ki, 10-dan çox adam yaralanıb. Bir neçə nəfər həlak olub. Bir nəfər partlayışda hər iki ayağını itirib. 

Fövqəladə Hallar nazirliyi partlayış faktını təsdiqləsə də, detallar haqda məlumat verməyib.