Bakının Suraxanı rayonunda azyaşlı uşaq tapılıb.

Simsar.az-ın Daxili İşlər Nazirliyinin mətbuat xidmətinə istinadən verdiyi məlumata görə, Suraxanı rayonunun Əmircan qəsəbə sakini Fərhad Cavadov 31-ci polis bölməsinə ərizə ilə müraciət edərək, naməlum şəxsin onun qapısının qarşısına 1 yaşlı qız uşağını qoyub getdiyini bildirib.

Dərhal hadisə yerinə hüquq-mühafizə orqanlarının əməkdaşları cəlb olunub.

Uşaq 8 saylı Uşaq Xəstəxanasına təhvil verilib.

Faktla bağlı araşdırmalar aparılır.