Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO), BMT-nin Kənd Təsərrüfatının İnkişafı üzrə Beynəlxalq Fondu (İFAD) və Dünya Qida Proqramı tərəfindən yayılan “Dünyada qida təhlükəsizliyinin vəziyyəti” hesabatına görə, son 10 ildə dünyada aclıqdan əziyyət çəkən insanların sayı 100 milyon, 1990-1992-ci ildən bəri isə 200 milyon azalıb.

Simsar.az xəbər verir ki, hesabata əsasən, tez bir zamanda lazımi addımlar atılarsa, 2015-ci ildə dünyada aclıqdan əziyyət çəkənlərin sayı yarıya qədər azala bilər.

Afrikada 4 adamdan birinin hələ də aclıq çəkdiyi vurğulanan hesabatda, dünyanın ən sıx əhalisi olan Asiyada isə 526 milyon ac insanın olduğu qeyd edilib.