1993-cü ildə müəmmalı şəraitdə vəfat etmiş Türkiyə Prezidenti Turqut Özalın oğlu Əhməd Özal və onun xanımı Səmra Özal sabiq dövlət başçısının ölümündə əli olmaqda günahlandırılırlar.

Simsar.az  “Haber7” telekanalına istinadən xəbər verir.

Telekanal Ankara prokurorluğundakı mənbəyə istinadən xəbər yayıb ki, Ə.Özal və S.Özal, həmçinin iqtisadi cinayətlərin təşkilində günahlandırılırlar.

Onların hər ikisinin məhkəmədə 19 dəfə ifadə verdikləri deyilir.

Xatırladaq ki, ötən il sentyabrın 13-də Ankara Baş Prokurorluğu T.Özalın dul xanımı S.Özalın ərinin ölümündə iştirakını araşdırmağa başlamışdı.

Bundan əvvəl ittihamın şahidi Levent Ersez S.Özalı ərinin zəhərlənməsində əli olmaqda günahlandırmışdı.

Qeyd edək ki, L.Ersez artıq dövlət çevrilişinə cəhddə ittiham olunan “Ergenekon” təşkilatının cinayət işi ilə bağlı 22 il 6 ay cinayət məsuliyyətinə cəlb edilib.