ABŞ-ın Alabama ştatında polis əməkdaşları beş uşağın zibil torbasına bürünmüş meyidini tapıblar.

Simsar.az-ın məlumatına görə, uşaqların itkin düşməsi barədə onların anası Cənubi Karolinada sentyabr ayının 3-ü polisə müraciət edib. Keçmiş həyat yoldaşı qadının onun zənglərinə cavab vermədikdə narahat olmağa başlayıb. Xarici mətbuatda dərc olunan xəbərdə bildirilir ki, öldürülən uşaqlar 1-8 yaş arasında olublar. İstintaqçılar cinayətdə uşaqların 32 yaşlı atası Timoti Reya Consu şübhəli bilirlər. Sorğu zamanı Timoti cəsədləri atdığı yeri deyib. Polis əməkdaşları düşünürlər ki, o cinayəti Cənubi Karolinada törədib cəsədləri isə Alabamada basdırıb. İstintaqçılar uşaqların necə öldürüldüyü barədə hələ ki, heç bir açıqlama verməyib.

Cəsədlər aşkar edildiyi zaman Cons Missisipidə yol polisləri tərəfindən saxlanılıbmış, o spirtli içkinin təsiri altında avtomobil idarə edib. Daha sonra maşında yoxlanış aparıldıqda orada narkotik maddələr və qan izləri aşkar edilib. Qonşular bildiriblər ki, həyat yoldaşından ayrıldıqda uşaqlara özü baxacağını deyən Cons bir müddət sonra uşaqları ilə birlikdə yaşamaq üçün başqa ştata köçdüyünü deyiblər. Onların sözlərinə əsasən uşaqlar hər zaman çirkli geyimdə küçədə oynayıblar, heç məktəbə də getməyiblər.