Tovuzda 4 avtomobilin toqquşması ilə nəticələnən ağır yol qəzası baş verib.

Simsar.az-ın qərb bürosunun verdiyi məlumata görə, hadisə rayonun Düz Cırdaxan kəndi ərazisində baş verib.

Rayonun Bozalqanlı kənd sakini, Seymur Abdullayevin sürətlə idarə etdiyi "VAZ 2107" markalı avtomobil idarəetməni itirərərək əvvəlcə "VAZ 2103"ə, sonra "VAZ 21099"a, daha sonra isə "Niva" markalı avtomobilə çırpılıb. Nəticədə qəzanı törədən sürücü, 1983-cü il təvəllüdlü Seymur Abdullayev ağır bədən xəsarətləri alaraq Tovuz Mərkəzi Rayon Xəstəxanasına çatdırılıb.

Həkimlər onun vəziyyətinin kafi olduğunu bildirirlər. Hadisə zamanı digər 3 sürücü xəsarət almasa da, zəncirvari qəzanın iştirakçısı olan avtomobillər yararsız hala düşüb. Faktla bağı Tovuz rayon Polis Şöbəsində araşdırma aparılır.