2 Sentyabr, 2014
Ebola virusunun müalicəsi üçün əlavə maaş istəyirlər

Ebola virusundan ən çox zərər görən Qərbi Afrika ölkələrindən Liberiyada tibb işçiləri mühafizə qüvvələri və əlavə maaş tələb edirlər. Bu səbəbdən onlar tətil elan ediblər. Simsar.az xarici KİV-ə istinadən məlumat verir ki, paytaxt Monroviadakı Con-Fitzgerald-kennedi xəstəxanasında tətil elan edən tibb bacılarının vəkili Con Tuqbeh tibbi avadanlıqların təmin edilməsini istədiklərini bildirib. “Maaşlarımızın artmasını da istəyirik. Çünki burada həyatımız risk altındadır”.

Virusdan ölənlərin təxminən 1/10-nin tibb işçiləri olduğu deyilir. Tuqbehin sözlərinə görə, virusun yayılmasından bu yana heç bir mühafizə tədbirləri görülməyib. Lazımi tədbirlər görülmədiyi təqdirdə tətil davam edəcək.

Dünya Səhiyyə Təşkilatının son hesabatına görə, Qərbi Afrikada Ebola virusundan 1500 nəfərdən çox insan dünyasını dəyişib. Təkcə Liberiya bu virus səbəbindən 694 sakinini itirib.

Ülviyyə


Bütün hüquqlar qorunur  ©  SİMSAR.az | Bizi özünüzə Simsar bilin!

Saytın materiallarından istifadə yalnız administrasiyanın şifahi, ya yazılı razılığı əsasında mümkündür!