“Onlar qızım İlqarədən üzr istəməliydilər, Azərbaycan xalqından yox”

Xalq artisti Aygün Kazımovanın qızı İlqarə İbrahimovanın sosial şəbəkələrdə yayılmış qalmaqallı görüntülərindəki qarşı tərəf, hazırda Türkiyədə müalicə alan Orxan Nəsirov ANS telekanalı vasitəsilə Azərbaycan xalqından üzr istəyib. “Bu, əlbəttə ki, yaxşı olmadı. Gərək olmayaydı. Biz neçə il bir yerdə oxumuşuq, gəzmişik. Bu videonun yayıldığına görə, belə bir formaya gəlib çatdığına görə və buna baxan Azərbaycan xalqından üzr istəyirik”, deyə O. Nəsirov bildirib.

A.Kazımova simsar.az-a açıqlamasında isə bildirib ki, O.Nəsirovun üzrünü qəbul etmir: “Orxan Nəsirov yalnız Azərbaycan xalqından yox, şəxsən mənim qızımdan üzr istəməli idi. O əxlaqsız hərəkəti mənim qızıma qarşı edib, başqa xanımlara qarşı yox ki... Mən bu məsələdə sona qədər mübarizə aparacam. Onlar 150 min manat təzminatdan danışır, mənsə bir milyon manatla da razılaşmıram”.

Simsar.az