“Hürriyət” qəzetinin verdiyi xəbərə görə, Türkiyənin 11-ci prezidenti Abdullah Gül Nəcməddin Ərbakan dönəmində baş vermiş “Yoxa çıxmış trilyon” işi ilə əlaqədar prokurorluqda ifadə verəcək.

Simsar.az-ın xeber365.com-a istinadən məlumatına görə, A.Gül bununla bağlı yaxınlarına “artıq vəzifəm bitdi. Uyğun bir vaxtda vəkillərimi prokurorluğa göndərəcəm, ifadə vermək üçün gün təyin etsinlər” deyib.

Keçmiş prezident bu istəyini “Hüquq dövləti budur. Heç kimin xüsusi imtiyazları yoxdur, hər kəs gedib ifadəsini verər. Təqsirinin olub-olmadığını müəyyənləşdirmək isə məhkəmənin işidir” deyə izah edib.

Abdullah Gül adıçəkilən işlə bağlı 2009-cu ildə də ifadə vermək iştəmişdi, lakin o zaman prokurorluq bunu qəbul etməmiş və dövlət başçısının ifadə verməyi doğru olmaz” demişdi.