Əhməd Davudoğlu Türkiyə Ədalət və İnkişaf partiyasının yeni sədri seçildi.

1245 nəfərin qatıldığı qurultayın gündəliyinə avqustun 10-da keçirilən prezident seçkilərində qalib gələn AKP lideri, Türkiyənin baş naziri Rəcəb Tayyib Ərdoğanın istefası və partiyaya yeni sədrin seçilməsi məsələləri daxil olub. AKP sədrliyinə yeganə namizəd isə xarici işlər naziri Əhməd Davudoğlu olub.

AKP sədrliyinə namizəd Ə.Davudoğlu isə göstərilən etimada görə Ərdoğana təşəkkürünü bildirib və onun əmanətini layiqincə qoruyacaqlarına söz verib.

Daha sonra səsvermə keçirilib. Ə.Davudoğlu 1382 səslə AKP-nin yeni sədri seçilib.

*** 13:10

Türkiyənin hakim Ədalət və İnkişaf Partiyasının (AKP) yeni sədrinin seçiləcəyi qurultayı başlayıb.

Simsar.az-ın məlumatına görə, Türkiyə prezidenti seçilən AKP sədri Rəcəb Tayyib Ərdoğanın vida nitqindən sonra xarici işlər naziri Əhməd Davudoğlunun partiya sədri seçiləcəyi gözlənilir.