Simsar.az Məhşur aktyor Ceki Çanın oğlunun Pekindəki evində narkotik saxladığı və istifadə etdiyi üçün həbs olunduğu xəbərini vermişdi. Sevilən aktyor Ceki Çan özü məsələylə bağlı açıqlama verərək, oğluna qəzəbli olduğunu deyib.

Ceki, sosial şəbəkədə tanınan bir şəxs olaraq utandığını, bir ata olaraq isə ürəyinin qırıldığını bildirib.

Oğlumun məsuliyyətini mən daşıyıram

Çində narkotik əlehinə kampaniyaların ən böyük dəstəkçilərindən biri olan aktyor, “Ümid edirəm gənclər, Jayceenin səhvindən dərs alarlar və narkotikdən uzaq durarlar” – deyib.

Oğlunun bu səhvinin məsuliyyətini daşımalı olduğunu deyən Ceki, ata olaraq oğlunun yanında olacağını vurğulayıb.

Yaxşı ata deyiləm

Yaxşı bir ata olmadığına işarə edən Çan, oğlunun əvəzindən ictimaiyyətdən üzr istədiyini deyib.

Məlumat verdiyimiz kimi, Ceki Çanın oğlu Jaycee Çan, bazarertəsi evində 100 qramdan çox narkotik saxlama cinayətindən həbs edilib.

Vüsal Qarayev