Liberiyanın paytaxtı Monroviada, Ebola virusunun saçdığı ölümlə mübarizə çərçivəsində gecələr küçəyə çıxmaq qadağan olunub.

Simsar.az xəbər verir ki, dövlət başçısı Ellen Conson Sirleaf, paytaxtda saat 19:00 ilə 04:00 arasında küçəyə çıxmağın qadağan olunduğunu elan edib. Ölkədə bundan öncə sağlıq səfərbərliyi və fövqəladə hal elan edilmişdi.

Vest Point bölgəsində bir xəstəxananın silahlı isnanlar tərəfindən yağmalanması və 37 Ebola virusuna yaxalanmış, nəzarətdə olan xəstənin qaçmasından sonar təhlükəsizlik tədbirləri daha da artırılıb.

Qaçan xəstələrin hamısının xəstəxanaya geri dönməsinə baxmayaraq, bölgədəki yoxsul xalqla təmasda olduqları düşünülür. Paytaxtın 50 min nəfərlik Vest Point yoxsullar məhləsində xəstəlik riskinin daha yüksək olduğu bildirilib.

Liberiyada bu günə qədər Eboladan 466 nəfər ölüb.

Vüsal Qarayev