Yay mövsümü başlayandan 30 nəfər suda boğularaq ölüb, bunların 7-si uşaqlardır

Bu il yay mövsümü başlayandan indiyədək suda boğulma diaqnozu ilə Bakı şəhər Təcili və Təxirəsalınmaz Tibbi Yardım Stansiyasına 67 nəfər müraciət edib. Bu barədə  stansiyanın baş həkim müavini Oqtay Şahmalıyev Simsar.az-a açıqlamasında bildirib. “Dəniz mövsümü başlayandan isə 67 nəfər suda boğulma ilə əlaqədar müraciət edib. Ümumilikdə 30 nəfəri dünyasını dəyişib. Müraciət edənlərin 50 nəfəri kişi, 17 nəfəri qadın olub. Boğulanların 14 nəfəri uşaqlardır. Oonlardan 7 nəfər dünyasını dəyişib.

Baş həkimin müavini bildirib ki, suda boğulma diaqnozu ilə  xəstəxanaya 27 xəstə yerləşdirilib. Belə isti havalarda küçəyə çıxan insanlar təbii, açıq rəngli, bədənə çox yapışmayan paltarlar geyinməlidirlər. O. Şahmalıyev bildirib ki, suda boğulma hadisələri əsasən briqada olmayan ərazilərdə, abadlaşdırılmamış ərazilərdə baş verib.

Aysel Kərimova