Avqustun 19-da Bakı və Abşeron yarımadasında hava dəyişkən buludlu olacaq, əsasən yağmursuz keçəcək.

Ekologiya və Təbii Sərvətlər Nazirliyi Milli Hidrometeorologiya Departamentindən APA-ya verilən məlumata görə,  şimal-qərb küləyi gündüz cənub-şərq küləyi ilə əvəz olunacaq.

Havanın temperaturu gecə 23-27, gündüz 35-38, yarımadanın bəzi yerlərində 40 dərəcəyədək isti olacaq.

Sabah Azərbaycanın rayonlarında da havanın əsasən yağmursuz keçəcəyi gözlənilir.

Lakin axşam Qərb bölgəsinin bəzi dağlıq ərazilərində şimşək çaxacağı, qısamüddətli yağış yağacağı istisna olunmur. Şərq küləyi əsəcək.

Havanın temperaturu gecə 20-25, gündüz 35-40, bəzi yerlərdə 42 dərəcə, dağlarda gecə 13-18, gündüz 25-30 dərəcə isti olacaq.