İnsan Haqları Klubunun sədri, hüquq müdafiəçisi Rəsul Cəfərov barəsində 3 ay müddətinə həbs-qətimkan tədbiri seçilib.

Vəkil Xalid Bağırovun APA-ya verdiyi məlumata görə, R. Cəfərov Baş Prokurorluğun Ağır Cinayətlərə dair İşlər üzrə İstintaq İdarəsində ifadə verdikdən sonra ona qarşı Cinayət Məcəlləsinin qanunsuz sahibkarlıq, vergidən yayınma və vəzifə səlahiyyətlərini aşma maddələri ilə ittiham irəli sürülüb.

R. Cəfərov Nəsimi Rayon Məhkəməsinə gətirilib.

Məhkəmə R. Cəfərov barəsində 3 ay müddətinə həbs-qətimkan tədbirinin seçilməsi barədə qərar çıxarıb.