20 yaşlı Babək Surxayev dünən gecə qəflətən dünyasını dəyişib
Xaçmaz rayonunda musiqi yarışının qalibi olan müğənni ölüb. Rayon sakinlərinin Simsar.az -a verdiyi məlumata görə, 20 yaşlı Babək Surxayev dünən gecə qəflətən dünyasını dəyişib.
Onun ürək dayanmasından vəfat etdiyi deyilir.
Mərhum yerli RTV kanalının musiqi yarışında 1-ci yerə çıxmışdı. Babək Surxayev həmçinin "Xaçmaz TV"də yayımlanan "Arzu çələngi" musiqili proqramının solisti olub.
Müğənnilik fəaliyyətinə yeni başlasa da, Babək Xaçmaz rayonunda xeyli populyarlıq qazanıbmış.
Xaçmaz Rayon Polis Şöbəsindən Milli.Az-a açıqlamada gənc sənətçinin ölüm xəbərini təsdiqlədilər.