Gəncənin “Avtozavod” qəsəbəsində istifadəyə yararlı olan top mərmisi tapılıb

Simsar.az Gəncə Media Mərkəzinə istinadən verdiyi məlumata görə, Kəpəz rayon Polis Şöbəsinin müraciəti əsasında Azərbaycan Respublikası Ərazilərinin Minalardan Təmizlənməsi Üzrə Milli Agentliyin (ANAMA) əməkdaşları əraziyə gələrək mərmiyə baxış keçiriblər. Qeyd olunan ərazidə aşkarlanan 203 millimetrlik top mərmisinin üzərində ingilis əlifbası ilə kimyəvi tərkib yazıldığı müəyyənləşib və mərminin kimyəvi sursatlar qrupuna daxil olduğu müəyyən edilib. ANAMA-nın əməkdaşı Musa Məmmədovun jurnalistlərə verdiyi açıqlamaya görə, SSRİ dövründə bu ərazidə sovet hərbi birləşmələrinin bazası yerləşib və bu mərmi həmin bazanın qalıqlarındandır.

Sursat aşkar edilmiş ərazidə yaşayış massivi yerləşdiyindən mərmi ANAMA-nın Ağstafadakı xüsusi ərazisində zərərsizləşdirilib.