Şəkidə 73 yaşlı kişi bədbəxt hadisə nəticəsində ölüb.Simsar.az-ın bölgə müxbirinin verdiyi məlumata görə, Bideyz kəndində yaşayan 1941-ci il təvəllüdlü Hidayət İsgəndərov həyətyanı sahəsində yığılmış ot tayasının üstünə çıxıb.

Yaşlı kişi nərdivanda olarkən ehtiyatsızlıqdan yıxılıb.

Ağır yaralanan yaşlı kişi xəstəxanaya yerləşdirilib. Həkimlərin səyinə baxmayaraq, onu xilas etmək mümkün olmayıb. Hidayət İsgəndərov bu gecə xəstəxanada dünyasını dəyişib.

Fakla bağlı araşdırma aparılır.