Onlar seçəçəyi ixtisasları açıqladılar.

700 bal toplayan və  Türkiyə Duyanət vəkfi Bakı Türk Liseyinin məzunu olan Samir Rzayev ixtisas seçiminin biznesin idarə edilməsi olacağınnı deyib. O, bildirib ki, təhsilini  Azərbaycan Diplomatik Akademiyasında alacaq.

“Maksimal nəticə göstərəcəyimdən tam əmin deyildim. İmtahanlarda 670-680 bal nəticə göstərirdim. Nəticəmin bu cür olmasına sevinirəm”.

287 saylı Zəkalar Liseyinin məzunu Qoşqar Qədimbəyli ixtisas seçimini bir neçə gün sonra mnüəyyənləşdirəcəyini deyib.

“700 bal toplayacağımdan əmin idim, lakin ixtisas seçimim haqda hələ qərar verməmişəm. Yəqin ki, bir neçə günə hansı ixtisası seçəcəyimi dəqiqləşdirəcəm”.

Qeyd edək ki, Tələbə Qəbulu üzrə Dövlət Komissiyası (TQDK) iyul ayının 20-də ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə cari ilin məzunları üçün II və III ixtisas qrupları üzrə keçirdiyi qəbul imtahanının nəticələrinidünəndən etibarən açıqlayıb.. İmtahanda II ixtisas qrupu üzrə 11079, III ixtisas qrupu üzrə 10569 nəfər müsabiqə şərtini ödəyərək ixtisas seçiminə buraxılıb. II ixtisas qrupu üzrə 2 nəfər ən yüksək nəticə - 700 bal toplayıb.

Aysel Kərimova