İsralinin Qəzzanı bombardman etməsi nəticəsində qətl edilən insanların sayı 500-ü, yaralıların sayı 3 mini keçib

Simsar.az xəbər verir ki, İsrailin Fələstinə qarşı həyata keçirdiyi qırğınlar davam etdiyi vaxtda futbol dünyası da hadisələrdən kənarda qalmayıb. Xüsusilə, tətildə və mövsümöncəsi təlim-məşq toplanışında olan futbolçular sosial medya vasitəsilə Qəzza sakinlərinə səbr diləyib, İsrail hərbi qüvvələrinin əməliyyatlarını pisləyiblər.

Həmin futbolçuların bəzilərini sizə təqdim edirik: Demba Ba (“Beşiktaş”), Mussa Sou (“Fənərbaxça”), Selçuk Şahin (“Fənərbaxça”), Felipe Melo (“Qalatasaray”), Həmid Altıntop (“Qalatasaray”), Stefen Appiah, Mario Balotelli (“Milan”)…

Ronaldodan Fələstinə növbəti dəstək

“Real Madrid” klubunun portuqaliyalı ulduzu ötən il “Qızıl buts” mükafatının auksionda satışı ilə əldə etdiyi 1,5 milyon avronu fələstinli uşaqlara kömək məqsədilə sərf etmişdi. Yaxın günlərdə isə futbolçu Ramazan bayramı münasibətilə Fələstinə 2 milyon dollar məbləğində yardım edib.

“Fənərbaxça” və “Olimpiakos” Qəzza üçün oynayacaq

İki klub tarixi bir addım atmağa hazırlaşır. Belə ki, çətin günlər yaşayan Qəzza xalqı üçün “Fənərbaxça” və “Olimpiakos” yoldaşlıq oyununda meydana çıxacaqlar. Matçın avqust ayının ortalarında baş tutacağı gözlənilir.

Vüsal Məmmədzadə