Fransalı futbolçu “Sport.es” saytına açıqlamasında maraqlı fikirlərlə yadda qalıb

Simsar.az xəbər verir ki, komandasının Dünya Çempionatındakı şanslarını dəyərləndirən Frank Riberi Almaniya ilə oyun öncəsi fikirlərini bildirib: “Oyunun çətin keçəcəyi hamıya məlumdur. Ancaq çoxları kimi almanları favorit hesab etmirəm. Biz Mundialda gözəl oyun sərgiləyirik. Bu tempdə davam etsək, Fransa finalda oynayacaq. Biz buna layiqik. Braziliya, Almaniya, Hollandiya, Argentina kimi favorit göstərilən komandalardan heç də geri qalmırıq”, - deyən Riberi komandasını Fransada qalib kimi qarşılamaq arzusundadır: “Zədə səbəbilə Mundiala qatıla bilmədim. Buna çox təəssüf edirəm. Amma hər bir oyunda komandamın yanındayam. İnanıram ki, futbolçularımızı kubokla biryerdə Parisdə qarşılayacağam”.

Qeyd edək ki, Fransa ¼ final mərhələsində bu gün Almaniya millisi ilə üz-üzə gələcək.

Vüsal Məmmədzadə