200 uşaq üçün “Millenium” restoranında “Qoy üzləri gülsün” adlı Novruz Şənliyi təşkil olunub

“Birliyə Doğru” Əlil və Kimsəsiz Uşaqlara Qayğı İctimai Birliyinin, “Biz+” jurnalının informasiya dəstəyi və “Azərsun”un baş sponsorluğu ilə mart ayının 21-də uşaq evlərində böyüyən 200 uşaq üçün “Millenium” restoranında “Qoy üzləri gülsün” adlı Novruz Şənliyi təşkil olunub. Təşkil olunan tədbirin aparıcısı gənclərin sevimlisi “NEXT” qrupu olub.
Uşaqların bayramını bir sıra məşhur müğənnilər öz ifaları ilə təbrik ediblər.
“Yeni Ulduz” yarışmasından Elvin Abdullayev, Xalid, Sevinc Musayeva, “Xalq Ulduzu” Kamil, Leyla Ramazanlı, Elçin Cəfərov, Roza Zərgərli, müğənni Xatun, Almaz Ələsgərli, Arzum, “NEXT”qrupunun eks üzvü Adil Baxışlı şən ifaları ilə əsl bayram ab-havası yaratdılar.
Uşaqlar aşpaz Mehman Ustanın hazırladığı yeməklərdən dadıblar. Bundan başqa balacalar sehrbazın çıxışını maraqla izləyiblər.
Xatırladaq ki, tədbirdə aşağıdakı uşaq evlərindən balacalar iştirak ediblər:
1. 16 saylı İnternat məktəbi(Şüvəlan)
2. Psixonevroloji uşaq evi (Ramana)
3. Psixonevroloji internat məktəbi(Gənclik)
4. Əlillər Evi (Ramana)
5. Təbbəsüm uşaq evi (Maştağa)