Nazir Rəfiqə Hüseynzadəni işçılərinə təqdim edib

Azərbaycan prezidenti İlham Əliyevin sərəncamı ilə Rəfiqə Hüseynzadə Dövlət Neft Şirkətinin ekoloji məsələlər üzrə vitse-prezidenti təyin edilib. «APA-ECONOMICS»in məlumatına görə, bu barədə martın 17-də ARDNŞ rəhbərliyinin toplantısında şirkətin prezidenti Rövnəq Abdullayev bildirib.

Ötən, 2010-cu ildə «Ekologiya ili» çərçivəsində ARDNŞ-da genişmiqyaslı ekoloji layihələrin həyata keçirildiyini qeyd edən R.Abdullayev bu işlərin cari ildə diqqət mərkəzində olacağını bildirib. İlk növbədə neftqazçıxarma idarələrində və emal zavodlarında «sıfır tullantı» prinsipinə əməl etməyin vacibliyini vurğulayan ARDNŞ prezidenti neftlə çirklənmiş mədən torpaqlarının təmizlənməsi, lay sularının, qazma şlamların utilizasiyası və digər istiqamətlərdə qarşıda duran vəzifələrlə bağlı Şirkətin yeni vitse-prezidenti R.Hüseynzadəyə və digər vəzifəli şəxslərə konkret tapşırıqlarını verib.