Müdafiə Nazirliyi Şəmkir hərbi birləşməsində baş vermiş hadisəni araşdırır

Martın 14-nə keçən gecə Müdafiə Nazirliyinin Şəmkir hərbi birləşməsi yüksək rütbəli zabitinin özünü öldürməyə cəhd hadisəsi Müdafiə Nazirliyi tərəfindən araşdırılır. Bu barədə Nazirliyin mətbuat xidmətinin rəis köməkçisi Teymur Abdullayev Lent.az-a deyib.

Şəmkir hərbi birləşməsi şəxsi heyətin uçotu üzrə məsul zabiti polkovnik-leytenant Azər Xəlil oğlu Hüseynov ülgüclə boğazını kəsib. Çoxlu qan itirən polkovnik-leytenant ağır vəziyyətdə xəstəxanaya yerləşdirilib.

İntihara cəhd etmiş zabitimizin vəziyyəti kritikdir. Həkimlər onun yaşamasına çox az ümidin olduğunu bildiriblər. Zabitimizin canına qəsd etməsinin səbəbləri hələlik məlum deyil.