Beynəlxalq Valyuta Fondu (BVF) bu gün iki illik əməkdaşlıq proqramı çərçivəsində Ukraynaya 14 -18 milyard dollar civarinda kreditin veriməsi barədə qərar qəbul edəcək.

Simsar.az-ın verdiyi məlumata görə, BVF-nun xarici əlaqələr departamentinin rəhbəri Cerri Raysın sözlərinə görə, 30 apreldə fond Ukrayna hökumətindən bütün müvafiq sənədləri alıb.

Ukrayna Maliyyə Nazirliyinin proqnozlarına görə, kreditin birinci tranşı 3 milyard dollar ola bilər. Bu vəsaitin bir hissəsi büdcəyə, qalanı isə Milli Bankın rezervlərinin doldurulmasına yönələcək.

Stand-by adlı ikiillik proqram çərçivəsində Ukraynaya 27 milyard dollar həcmində böyük maliyyə köməkliyi nəzərdə tutulur.

BVF ilə əməkdaşlıq Ukrayna dövlətinə ABŞ, Yaponiya və AB ölkələrindən maliyyə yardımı almağa da imkan yaradacaq.