Daxili İşlər Nazirliyinin Polis Akademiyasının, Azərbaycan Dövlət Neft Akademiyasının və Azərbaycan Dövlət Pedoqoji Universitetinin tələbələri “Milli filmlərin pulsuz nümayişı” layihəsi çərçivəsində aprelin 22 – 23 və 24-də Nizami Kino Mərkəzində “Dərvişin qeydləri” filminə baxıblar.
Nizami Kino Mərkəzinin mətbuat xidmətindən Simsar.az-a bildirilib ki, filmin nümayişindən sonra Polis Akademiyasının əməkdaşı, polis mayoru Osman Vəliyev bu gün ölkəmizdə kino sənətinin inkişafına dövlət tərəfindən xüsusi qayğı göstərildiyini deyib. Onun qənaətinə görə, məhz bunun nəticəsidir ki, paytaxtın Nizami Kino Mərkəzi milli filmlərə olan böyük marağı nəzərə alaraq bu layihəni reallaşdırır. Gənclər bu filmlərdə əks olunan milli dəyərlərdən bəhrələnirlər.
Tələbələr rejissor Eldar Quliyevin lentə aldığı “Dərvişin qeydləri” filmini bəyəndiklərini və belə layihələrin davamlı olmasını arzulayıblar.
Nizami Kino Mərkəzi ali və orta təhsil ocaqlarından filmlərə qrup şəklində gəlib baxmaq istəyən tələbə və şagirdlərin istəyini nəzərə alaraq seansların sayını artırıb.

Günel