2013-cü buraxılış ilində ilk peşə-ixtisas təhsili müəssisələrindən 14815 nəfər şagird məzun olub. Onlardan 4599 nəfəri həqiqi hərbi xidmətə gedib, 362 nəfəri təhsillərini davam etdirib və 4465 nəfəri işlə təmin olunub ki onlardan 778 nəfəri aqrar istiqamətdə işləyənlərdir. Bu barədə Simsar.az-a Təhsil Nazirliyindən bildirilib. 
Məlumatda bildirilib ki, kənd təsərrüfatı sahəsi üzrə təhsil almış şəxslərin işlə təminatı ilə əlaqədar nazirlik mütəmadi olaraq regionlarda yerləşən aqrar müəsisələrlə əlaqə yaratmağa çalışır və birgə kadr hazırlığının həyata keçirilməsi üzrə layihələr həyata keçirir.
Nazirlik hesab edir ki, atılan addımlar təhsil müəssisələrinin məzunlarının işlə təminatının yüksəlməsinə müsbət təsir göstərməkdədir.

Aysel Kərimova