Azərbaycan Milli Elmər Akademiyası (AMEA)Rəyasət Heyətinin 2013-ci ildəki elmi və elmi-təşkilati fəaliyyətinə həsr olunmuş ümumi yığıncağına qatılan Azərbaycan İnformatika elminin banisi İsmayıl İbrahimov də çıxış edib. Simsar.az–ın məlumatına görə, alim AMEA-nın fəaliyyətinin uğurlu olduğunu bildirib: “1968-ci ildən AMEA-nın həqiqi üzvüyəm. 2013 –cü ilin nəticələri Akademiyanın uğurla fəaliyyət göstərdiyini sübut edir. Bu sahədə qazanılan uğur dövlət başçısının göstərdiyi diqqətin nəticəsidir”. Alim onu da bildirib ki, Heydər Əliyev tərəfindən müstəqillik dövründə elmin əlaqələndirmə şurarasının yaradılması barədə sərəncam imzalayıb. Həmin şura da elmin inkişafında önəmli işlər görüb: “AMEA –nın prezidenti bu şurasının sədridir. Qeyd edə bilərəm ki, İnformatika və kibernetika sahəsində 8 elmi təşkilat, təhsil müəssisəsi və Rabitə və yüksək Texnologiyalar Nazirliyi ilə məşğul olur. Bu sahələrdə də uğurlu işlər görülür. Gəlin, bu işdə AMEA-ya dəstək olaq”.

Aysel Kərimova