67-ci Kann kinofestivalının başlamasına bir neçə həftə qalmış təşkilatçılar 2014-cü ilin rəsmi posterini təqdim ediblər

Posterdə Federiko Fellininin "8 yarım" filmində Marçello Mastroyanninin qəhrəmanı görünür. İtalyan rejissorun ən məşhur işlərindən biri olan bu film 2 Oskar mükafatına ("Kostyum üzrə ən yaxşı rəssam işi" və "Xarici dildə ən yaxşı film") layiq görülüb.

Bu il Kann kinofestivalını Nikol Kidmanın baş rolda çəkildiyi "Monako şahzadəsi" filmi açacaq. Film Qreys Kellinin həyatından bəhs edir. Kinofestivalın münsiflər heyətinə "Qızıl palma budağı"na layiq görülən yeganə qadın rejissor - Ceyn Kempion rəhbərlik edəcək.

Festival 14-25 may tarixlərində keçiriləcək.