Donetskdə silahlı, maskalı şəxslər şəhər şurasının binasını ələ keçiriblər. Simsar.az İnterfaks agentliyinə istinadən xəbər verir ki, onlar silahdan istifadə etmədən sadəcə, binaya daxil olublar. Binanın işçilərinə isə yerlərində qalmağı əmr ediblər. Ukrayna mətbuatında yayılan məlumata görə binaya əvvəlcə əllərində avtomat olan 7 silahlı daxil olub, daha sonra isə digərləri. Verilən məlumata görə binada olan işçilər əşyaları və sənədlərini də özləri ilə götürərək binanı tərk ediblər. 


Mələk Abbaszadə